|
أبو فيصل مؤسس دولة العوجاء وحاميها
حكم صقر الجزيرة في الجزيرة ثم جاب
صقور |
|
عبدالعزيز اللي تربع لحاله
وأنقذ شرايين الوطن من شللها
صمم وعزم واحتزم واعتزى له
صوتا من النصر المبين لبطلها
وحد ووحد واتحد الدلاله
أطلع يدين بلادنا من وحلها
من همته وسياسته واحتما له
تسهل عليه المعضلات وحلالها
حكيم ما تمشي عليه الحيالة
وكم من حرارا في المحابل حبلها
تغيب شمسه مير هذا هلاله
مواكب النهضة مدرج
عجلها |
|
على هدي الرسول نجدد السنة ونحييها
وهي مبدأ عقيدتنا ومبدأ الراحل المغفور
ابو فيصل مؤسس دولة العوجاء وحاميها
حكم صقر الجزيرة في الجزيرة ثم جاب صقور
ملوك العدل والاحسان نحرسها ونفديها
نفادي من حياة الاسرة اللي سعيها مشكور
أوايلنا أوايلها وتالينا,, لتاليها
صدورٍ ما تقول الا الصحيح ولا تعد الزور
سياستنا سياسة داعي الأمة باساميها
عقيدتنا تساعدنا بحفظ المسلك
المأسور |
|
الحكم ستين عام يضم وحدتنا
شريعة الله على انفسنا نطبقها
وحدة وحيدة حملها شعار دولتنا
مهيب وحدة طواغيت تلفقها
وحدة مؤسس ثبّت وأثبت هويتنا
عملاق قوم تخضع له عمالقها
عبدالعزيز البطل منقذ رستالنا
نوم شياطينها واخزى فواسقها
شريعة الغاب تنفاها شريعتنا
من شده بالرسن ما عاد يطلقها
تفنا العقايد ولا تفنى عقيدتنا
مصيونة ما قدح بالشيب مفرقها
ما نكّست مع هل الرايات رايتنا
خفاقة ذروة الجوزاء تهايقنا
من شعبنا تنطلق شورى حكومتنا
وحكم المربع تربع في
مناطقها |
|
عبدالعزيز دوى القلوب الوجاعي
مصادم احداث الزمان وصراعه
عبدالعزيز اللي يدوس الأفاعي
ليث وفاء شبره وذرعه وباعه
ليث وفاء باعه على كل باعي
من طيب هوماته وعزمه وناعه
طوى مخافات الفجوج الوساعي
وسد الطريق اللي تضابع ضباعه
حول فيافي نجد أمن ومراعي
وخلا قبايل نجد ربع جماعه
فك العداوة ثم فك النزاعي
عقب الحروب وعقب ذيك
المجاعه |
|
يبو عبدالله الفخر للي ذخر
أنهار وجنان تشوف زهورها
عبدالعزيز اللي ركزها وعزها
وأمن سكينتها وطفا شرورها
بجيش وخيالة وسيفن وشلفا
وعشا ذيابتها وعشا نمورها
واليوم خلاها عسى الخلد منزله
تباشره, غلمانها مع حورها
اسباب انه قام للدين وانتصر
والجاهلية فرقت عصورها
ما عاد فيها الا كتاب وسنة
وشريعة ما يقطعون عقورها
من جاز له اهلا وسهلاً ومرحبا
وعايف حلاويها يلاقي مرورها
ما دام ذكر الله يكرر بينا
فبلادنا تبشر بزود سرورها
تبشر بأمان وخير من رب السماء
وتبشر بعزتها ورفعت
طورها |